Alienation
နံပါတ်တစ် အချက်...။ အလုပ်သမား အလုပ်လုပ်ကိုင်မှုပုံစံ ခြားနားသွားတယ်..။ ပုံမှန်အနေနဲ့ လူက ကိုယ့်သဘောနဲ့ကိုယ် ဖန်တီးလိုစိတ်ရှိတယ်..။ တီထွင်လိုစိတ်ရှိတယ်..။ အရင်းရှင်စနစ်မှာ အလုပ်သမားတွေကို အဲလို ထိန်းချုပ်လိုက်သလို ဖြစ်သွားတယ်..။ စီးပွားရေး ပညာရှင် တစ်ယောက်ဖြစ်တဲ့ အဒမ်စမစ် ချမှတ်ခဲ့တဲ့ division of labour ဆိုတဲ့ စနစ်ပါ..။ ပစ္စည်းတစ်ခု ထုတ်လုပ်ဖို့ အဆင့်ခွဲပေါင်းများစွာ ခွဲလိုက်တယ်..။ အဲဒီခွဲလိုက်တဲ့ အဆင့်ငယ်ကလေးတွေကို ၀န်ထမ်းတွေ အားလုံး စုပြုံပြီး လုပ်ရတယ်..။ အဲဒီဝန်ထမ်းတွေဟာ လွယ်ကူတဲ့ အဆင့်ကလေးကိုပဲ ထပ်တလဲလဲ လုပ်နေရတဲ့အတွက် သူတို့ရဲ့ ဖန်တီးနိုင်စွမ်းတွေ ပိတ်ပင်လိုက်သလို ဖြစ်သွားပါတယ်..။ အဲဒီမှာ လူ့ရဲ့ဖန်တီးနိုင်စွမ်းတွေလည်း ပျောက်သွားတယ်..။ အလုပ်လုပ်တဲ့ အချိန်မှာ ဘ၀နဲ့ ကင်းပြတ်သွားပြီးတော့ အလုပ်ပြီးတော့မှ ကိုယ့်ဘ၀ကို စ ရရသလို ဖြစ်နေပါတယ်..။
နံပါတ်၂ အချက်က အလုပ်သမားက ကိုယ်ထုတ်လုပ်လိုက်တဲ့ ပစ္စည်းနဲ့ပတ်သတ်ပြီး ဂုဏ်ယူနေရတာမျိုး မရှိရှာဘူး..။ လက်မှုပညာရှင်တစ်ယောက်က ကိုယ်ဖန်တီးထားတဲ့ လက်မှုပစ္စည်းကလေးကိုကြည့်ပြီး ပီတိဖြစ်နိုင်သေးတယ်..။ အရင်းရှင်စနစ်အောက်က စက်ရုံအလုပ်သမားတွေအတွက် ကိုယ်တစ်စိတ်တစ်ပိုင်း (အပိုင်းငယ်ကလေးဖြစ်တဲ့ နပ်ကြပ်တာပဲဖြစ်ဖြစ်) ပါဝင်ဖန်တီးလိုက်ရတဲ့ အလုပ်တစ်ခုအပေါ်မှာ ဂုဏ်ယူရတာမျိုး ရှိမှာမဟုတ်ဘူး..။ နောက်တစ်ချက်က အရင်းရှင်စနစ်က ပစ္စည်းတစ်ခုကို ကုန်ကျစရိတ်အနည်းဆုံးဖြစ်အောင် ထုတ်ရတယ်..။ အနည်းဆုံးဖြစ်အောင်လည်း အမြဲအားထုတ်နေရတယ်..။ သက်သာအောင် လုပ်မှာက နည်းလမ်းတစ်ခုပဲ ရှိတယ်..။ ပြီးစလွယ်လုပ်.. ဒါမှမဟုတ် ခို ကပ်တဲ့နည်းပဲ..။ အဲဒီမှာ အရည်အသွေးကျလာမယ်..။ ကိုယ်ပူးပေါင်း ပါဝင်လိုက်ရတဲ့ ပစ္စည်းတစ်ခုက အရည်အသွေးညံ့တယ်ဆိုရင်.. အဲဒီသူတစ်ယောက်ဟာ အဲဒီပစ္စည်းအပေါ်မှာ ဂုဏ်ယူနိုင်မှာ မဟုတ်ဘူး..။ အဲဒီမှာ အလုပ်သမားဟာ သူထုတ်လုပ်တဲ့ ပစ္စည်းအပေါ် သံယောဇဉ်ကင်းပြတ်လာမယ်..။
နံပါတ်သုံးအချက်..။ အလုပ်သမားဟာ အလုပ်ပေါ်မှာ ဘယ်လောက်ပဲကြိုးစား ကြိုးစား သူလုပ်တဲ့အလုပ်ဟာ အလုပ်ရှင်အတွက်.. သူထုတ်လိုက်တဲ့ပစ္စည်းဟာ အလုပ်ရှင်အတွက်.. အဲဒီပစ္စည်းကိုရောင်းချခြင်းရဲ့ အမြတ်ဟာ အလုပ်ရှင်အတွက်ပဲ..။ သူဘယ်လောက် ပင်ပင်ပန်းပန်း ကြိုးကြိုးစားစားလုပ်လုပ် အလုပ်လုပ်ခ ဒီလောက်ပဲ..။ သူ့ဘ၀ ဘယ်လောက်မှ တိုးမလာဘူး..။ သူဘယ်လောက်ပဲလုပ်လုပ် ဘယ်လောက်ပဲကြိုးစားကြိုးစား အလုပ်သမားနဲ့ အလုပ်ရှင်နဲ့ကြား ဘ၀ဟာ ကွာခြားသည်ထက် ကွာခြားလာတာပဲ..။ အဲဒီလိုဖြစ်ရတာဟာ ကုန်ထုတ်လုပ်မှု (means of production) ကို အရင်ရှင်က ချုပ်ကိုင်ထားတဲ့အတွက်ကြောင့်လို့ မာ့က်စ်က ရှုမြင်ပါတယ်..။ အလုပ်သမားဟာ ငွေရဖို့ အသက်ရှင်ဖို့အတွက် အလုပ်လုပ်ရတယ်..။ အရင်းရှင်ကတော့ ငွေပိုင်ရှင်ဖြစ်တယ်..။ ကုန်ထုတ်လုပ်ငန်း မလုပ်ဘဲနဲ့လည်း နေထိုင်စားသောက်နိုင်တယ်..။ ဒီတော့ အလုပ်သမားဟာ အလုပ်ရှင်ကို တပန်းရှုံးတဲ့ အနေအထားကနေ ဆက်ဆံရတယ်..။
နံပါတ်လေး အချက်..။ အလုပ်သမားရဲ့ ကိုယ်စွမ်းဥာဏ်စွမ်းဟာ အလုပ်ရှင်ပဲ ပိုင်တဲ့ဘ၀ကို ရောက်နေတယ်..။ ကိုယ့်စွမ်းအားကို ကိုယ်မပိုင်ဘူးဆိုတဲ့အခြေအနေမှာ အလုပ်သမားက ကိုယ့်ဘ၀ကနေ ကင်းကွာလာတယ်..။ လွပ်လပ်တယ်ဆိုတာလည်း မရှိတော့ဘူး..။ တစ်ဆက်တည်း ကိုယ့်ကိုယ်ကိုကိုယ်လေးစားတန်ဘိုးထားမှုလည်း ပျောက်ကွယ်သွားတယ်..။ တစ်နည်းပြောရရင် အလုပ်အကိုင်ဆိုတာ အလုပ်သမားအတွက် ကျွန်ခံရခြင်းတစ်မျိုး ဖြစ်နေတယ်လို့ သူက ရှု့မြင်တယ်..။
posted by BaganNat at 1:08 AM
0 Comments:
Post a Comment
<< Home