Sunday, August 26, 2007

နတ်နဲ့ မြန်မာ့သမိုင်း

မြန်မာတွေ ဗုဒ္ဓဘာသာဝင်မဖြစ်ခင်က နတ်ကိုးကွယ်မှုသမိုင်း စတယ်..။ ဘာလုပ်လုပ် နတ်ကိုရှေ့တန်းထားပြီး စဉ်းစားမယ်..။ ဆောင်ရွက်မယ်..။ ဒီတော့ ဗုဒ္ဓဘာသာဝင် ဖြစ်လာတဲ့အခါမှာ သူတို့ရဲ့အနေအထိုင် အလေ့အကျင့်က အရင်ကနဲ့မတူဘူးလို့ မပြောနိုင်ပေမယ့် နည်းနည်းတော့ ကွဲလာမယ်..။ မြန်မာနိုင်ငံ မြေပြန့်ရောက်ပြီး ဗုဒ္ဓဘာသာဝင် မဖြစ်ခင်ကတည်းက ပုံပြင်၊ စကားပုံ၊ စကားထာ၊ ရိုးရာဓလေ့တွေမှာ နတ်တွေရဲ့ အရိပ်အငွေ့ယှက်သန်းနေတယ်..။ ပုဂံခေတ်သမိုင်း အမျိုးမျိုးပြောကြတဲ့ အထဲမှာ နတ်တွေကို နှိပ်ကွပ်ဖျက်စီးတယ်ဆိုတာ မတွေ့ရဘူး..။

ပုဂံနတ်လှောင်ကျောင်းကို အနော်ရထာ စီမံပြီး နတ်ရုပ်တွေကြိမ်နဲ့ရိုက် တိုက်ပိတ်တယ်လို့ ဖတ်ဖူးမှတ်ဖူးပေမယ့် နောက်ပိုင်း အနော်ရထာကိုယ်တိုင် မင်းကြီးမင်းလေး နေရာပေးတာမျိုး လုပ်လာတဲ့အခါကျတော့ နည်းနည်းဒွိဟဖြစ်လာတယ်.။ ဒီတော့ ပုဂံခေတ်ကတည်းက နတ်ကိစ္စကိုအပြတ်မရှင်းခဲ့ဘူး၊ အပြောင်မရှင်းခဲ့ဘူး ဆိုတဲ့ သဲလွန်စကောက်မိတယ်..။ ဒါနဲ့ ဒီနတ်တွေ ခုခေတ်အထိပါလာတယ်..။

ငါးပါးသီလယူ၊ ရှစ်ပါးသီလ ယူပေမယ့် တကယ့်အလုပ်တွေ တံငါတို့ မုဆိုးတို့ဆိုရင် တံငါသည်တစ်ယောက် နတ်ကိုးပြီးလုပ်သလို မုဆိုးတစ်ယောက်လည်း နတ်ကိုးပြီးလုပ်တယ်..။ ဒီတော့ သူတို့ဟာသူတို့တော့ Ambivalence ဖြစ်အောင်ညှိနေပုံရတယ်..။ နတ်ဆိုတာက ယုံတဲ့သူအတွက် မ တာတွေ ကိုင် တာတွေ ရှိတယ်ဆိုပြီး မပူဇော်ပဲလည်း မနေရဲဘူး..။

နတ်ကို ဒေသအလိုက် လုပ်ငန်းအလိုက် နာမည်တပ်ပြီး ကိုးရတော့ နတ်တွေအကြောင်း ဘယ်နတ်ကဘာ.. ဘယ်နတ်က ဘယ်တုန်းကပေါ်တယ်.. ဆိုပြီး ပါးစပ်ရာဇ၀င်နဲ့ မှတ်မိကြတယ်..။ နတ်ဆိုတာက ဘယ်က စဖြစ်သလဲဆိုတော့ လူ့ဘ၀မှာ တစ်နည်းမဟုတ်တစ်နည်းနဲ့ စွမ်းတဲ့သူက အစိမ်းသေတော့ နတ်ဖြစ်ရော..။ နတ်ဝင်သည်ကနေ သူဘာလိုချင်တယ်ပြောတယ်..။ အဲဒါကို လုပ်ပေးရတယ်..။

လူဆိုတာမျိုးက သူ့ပစ္စည်း သူ့ပိုင်ဆိုင်မှုကို အလကားမပေးချင်ဘူး..။ တစ်ခုခုပေးလိုက်ရင် တစ်ခုခုလိုချင်တယ်..။ ဒီတော့ နတ်ကတောင်းတာ ပေးလိုက်တော့ နတ်ဆီက ပြန်တောင်းတယ်..။ ဒီလိုပေးတဲ့အတွက် ဘာတွေလုပ်ပေးပါ ညာတွေလုပ်ပေးပါ ဆိုပြီးတော့..။ ဒီကနေ နတ်နဲ့လူနဲ့ကြား အပေးအယူကိစ္စပေါ်လာတော့တယ်..။ နတ်ကိစ္စက အတော်ရှုပ်တယ်..။ နတ်တွေကလည်း အတော်ရှုပ်တယ်..။

ညီအစ်ကိုနှစ်ကောင် အဖေ့အရိုက်အရာ အကြီးအကဲရာထူး လုရာကနေ ညီက လိမ်ညာပြီးအနိုင်ယူတယ်..။ (ကံရာဇာငယ်ဖြစ်)။ လူစွမ်းကောင်းကြောက်လို့ မီးရှို့သတ်ရာကနေ မောင်တင့်တယ်ဖြစ်လာတယ်..။ အမဲလိုက်ရင်း နေရပ်နဲ့ ဝေးတဲ့နေရာရောက်သွားလို့ နေတဲ့နေရာကို မပြန်တော့ဘဲ အခြေအနေသစ်တည်ထောင်ရင်းကနေ ဗပေဒူတဖြစ်တယ်..။ တောနေရသေ့က မိန်းကလေးငယ်တစ်ယောက် မွေးစားတာက ဗေဒါရီ။ စကားသုံးခွန်းနဲ့ ဘုရင်ဖြစ်တဲ့ မောင်ပေါက်ကြိုင်း(သွားပါများ ခရီးရောက်၊ မေးပါများ စကားရ၊ မအိပ်မနေ အသက်ရှည်)။ မျက်ကန်းညီအစ်ကို ဖောင်နဲ့မျှောလွှတ်ရာက မျက်စေ့ပြန်မြင်ရာကနေ မြို့ရွာတည် (မဟာသမ္ဘ၀၊ စူဠာသမ္ဘ၀)ဖြစ်တယ်..။ နတ်တွေနဂါးတွေ ပသပြီး မြို့ရွာတည် (ဒွတ္ထဘောင်မင်း) ဖြစ်တယ်..။ မိန်းမအကြီးအကဲကို ယောက်ျားအကြီးအကဲက တိုက်ခိုင်သိမ်းပိုက်တာ မကျေနပ် ဆေးစီရင် လက်စားချေ (ပန်ထွာမင်းသမီး)။ အုပ်ချုပ်သူတွေ အကျင့်ပျက်လွန်းလို့ လူတွေအထိတ်တလန့် နေရစဉ် ကောလဟာလကြောင့် မြို့ပျက် (သုပညာနဂရစိန္ဒလက်ထက် သရေခေတ္တရာ)၊ ရန်သူလေးမျိုးကြောင့် မြို့ရွာမကြီးပွား (သမုဒ္ဓရာဇ်လက်ထက် ပုဂံ)။

နတ်နဲ့ပတ်သတ်တဲ့ပုံပြင်တွေပါ..။ နတ်တွေကိစ္စက အခုနောက်ပိုင်းအထိ ပြန်ပါလာလိုက်တာ သစ်ပင်ကို ရုက္ခစိုးရှိတယ်..။ ပူဇော်ရတယ်..။ အမျှဝေရင် တောစောင့်နတ် တောင်စောင့်နတ်တွေပါ အမျှဝေရတယ်..။ စသည်ဖြင့်ပေါ့..။ အိမ်မှာရှိတဲ့ လူတစ်ယောက် ဆေးရုံတက်ရင် ခေါစာပစ်တာ၊ ဗေဒင်မေး ယတြာလုပ်တာတွေ အခုအထိတွေ့နေရတုန်းပဲ..။

မြန်မာ့စာပေနဲ့ ယဉ်ကျေးမှု ခေတ်အခြေအနေ အဖြစ်အပျက်တွေက နတ်တွေကနေ တဆင့် ထောက်လှမ်းပြီး ပုံပြင်ဆန်ဆန် သဘောထားတွေကနေ ပုံဖော်ကြည့်လို့ရတဲ့အတွက် မြန်မာတွေစာမတတ်ခင် စာထက်အက္ခရာအဖြစ် မတင်ထားနိုင်သေးခင်မှာ မြန်မာ့ယဉ်ကျေးမှုတွေအနေနဲ့ ရှိနေခဲ့တဲ့အတွက် ဒီပုံပြင်တွေနဲ့ ပုံပြင်တွေထဲက နတ်တွေကို တစ်နည်းတစ်ဖုံကျေးဇူးတင်ဖို့ ရှိနေသလားလို့..။

ဖတ်ထားမှတ်ထားတဲ့စာတွေ ရေးမိရာရာ စဉ်းစားရေးမိတာပါ..။

(အစောဆုံးမြန်မာအက္ခရာတင် တိုင်းရင်းမြန်မာမှတ်တမ်းများ ဆိုတဲ့ ဒေါက်တာသန်းထွန်းရေးတဲ့ စာအုပ်မှာ စုံလင်အောင်ရှင်းထားတယ်..)

Labels: , , ,

3 Comments:

Blogger khunmk said...

ကောင်းတယ်ဗျာ.. ဗဟုသုတရတယ်။

ခရီးသွားတုန်းကပေါ့ ကားပေါ်မှာ ဘုန်းကြီးတစ်ပါးနဲ့ ဒကာမ တစ်ယောက် စကားတပြောပြောနဲ့။ အသိတွေ တော့မဟုတ်လောက် ပါဘူး ကားပေါ်ရောက်မှ သိကြတာ ထင်ပါတယ်။ အဲ့ ဒကာမ ဖက်က နယ်ကြမ်း တဲ့အကြောင်း၊ နတ်တွေ ကိုးကွယ် နေရတဲ့အကြောင်း ရောက်တော့။ ဘုန်းကြီးက “ဟဲ့ ဒကာမတို့က ဗုဒ္ဓဘာသာ ကိုးကွယ်တာ မဟုတ်လား.. ဘုရား၊ တရား၊ သဃာံ ရတနာ သုံးပါးဆိုရင် လောက်ပါပြီကွယ်”

ဒါနဲ့ ဘယ်လို ပြန်ဖြေသလဲဆိုတော့ “တင်ပါ့ ဘုရား..။ ဘုရားက ဒုက္ခမပေးဘူးဘုရား။ နတ်က မကိုးကွယ် ရင် ဒုက္ခပေးတယ် ဘုရားတဲ့.”

5:36 AM  
Blogger kokoye` said...

ကောင်းတယ် မပြည့်စုံပေမယ့် တိကျတယ်။
ဒါပေမယ့် လူကြီးတွေကပိုဆိုးတယ်။ အမေတွေ အဘွားတွေကိုအရင်ရှင်းပြရမှာပဲ :P
ဘုရားမရှိခိုးပဲနတ်ဆက်နေတဲ့ လူတွေက အများကြီးပဲ။
သေသေချာချာ ရှင်းပြပေးကြပါဗျာ

2:56 AM  
Blogger naing aung maw said...

ဟောဒီ၂၀၁၂မှာကို မြန်မာပြည်သားတွေထဲ ငနုံ ငအ က၈၅%ရှိသေး တယ်ငါ့ကောင်ရေ


11:19 AM  

Post a Comment

<< Home